ਕਿਥੇ ਜੰਮੀ ਕਿਥੇ ਖੇਡੀ ਸਿਆਲਕੋਟ ਦੀ ਸਵਾਣੀ !
ਮਾਪੇ ਕਹਿੰਦੇ ਧੀ ਲਾਡਲੀ ਸਬ ਤੋਂ ਵੱਧ ਸਿਆਣੀ !
ਠੰਡਾ ਸੀ ਸੁਭਾਅ ਉਸਦਾ ਦੂਜਿਆਂ ਨਾਲੋਂ ਜਿਆਦਾ
ਗੁਸੇ ਵਾਲੀ ਗੱਲ ਤੋਂ ਵੀ ਨਾ ਮੱਥੇ ਤਿਊੜੀ ਪਾਣੀ !

ਮਹਿਲਾਂ ਵਿਚ ਨਗਾਰੇ ਵੱਜ ਗਏ ਉਸ ਵੇਲੇ ਖੁਸ਼ੀਆਂ ਦੇ
ਜਿਹੜੇ ਦਿਨ ਬਾਣੀ ਸੀ ਲੋਕੋ ਓਹੋ ਸ਼ੇਰੇ ਪੰਜਾਬ ਦੀ ਰਾਣੀ !
ਮਾਂ ਸੀ ਓਹੋ ਦਿਲੀਪ ਸਿੰਘ ਜਹੇ ਬਹਾਦਰ ਪੁੱਤਰ ਦੀ
ਭਾਵੇ ਸਭ ਰਾਣੀਆਂ ਤੋਂ ਛੋਟੀ ਬਣ ਬੈਠੀ ਪਟਰਾਣੀ !

ਕੌਮ ਦੀ ਖਾਤਿਰ ਜਿਸ ਨੇ ਸਭ ਕੁਜ ਹੀ ਉਜਾੜ ਲਿਆ
ਬਹੁਤਾ ਚਿਰ ਖੁਸ਼ੀ ਨਾ ਉਸਨੇ ਮਹਿਲਾ ਦੇ ਵਿਚ ਮਾਣੀ !
ਕਿਹੜੇ ਕਿਹੜੇ ਨਹੀਂ ਕਸਟ ਸਹਾਰੇ ਉਸਨੇ ਪੰਜਾਬ ਬਚਾਵਣ ਲਈ
ਆਪਣੇ ਹੀ ਫਿਰਦੇ ਸਨ ਬੰਦੂਕ ਉਸ ਤੇ ਤਾਣੀ !


ਖੋ ਲਿਆ ਸਭ ਕੁਜ ਜਿਸ ਤੋਂ ਅੰਗਰੇਜ਼ੀ ਸਾਸ਼ਨ ਨੇ
ਕਿਹਦੇ ਮੋਢੇ ਸਿਰ ਰੱਖ ਰੋਵੇ ਰੋਂਦੀ ਫਿਰੇ ਨਿਮਾਣੀ !
ਇਲਜਾਮਾਂ ਦੇ ਘੇਰੇ ਵਿਚ ਰੱਖਿਆ ਵਿਦੇਸ਼ੀ ਹਾਕਮਾਂ ਨੇ
ਕਦੇ ਨਹੀਂ ਵਗਣੋ ਹਟਿਆ ਜਿਹਦੀਆਂ ਅੱਖਾਂ ਵਿੱਚੋ ਪਾਣੀ !


ਨੈਣ ਗਵਾ ਲਏ ਵੇਖ ਵੇਖ ਕੇ ਉਸ ਨੇ ਪੁੱਤਰ ਦੀਆਂ ਰਾਹਾਂ
ਸਾਹ ਵੀ ਨਿਕਲੇ ਮੁਲਖ ਬੇਗਾਨੇ ਕਿਸਮਤ ਕਿਦਾਂ ਦੀ ਮਰਜਾਣੀ !
ਕਿ ਮੁੱਲ ਪਾਇਆ ਆਪਾ ਦੇਸ਼ ਦੀਆਂ ਨਾਇਕਾਵਾਂ ਦਾ
ਸੋ ਵਿੱਚੋ ਪੰਜ ਦਸ ਜਾਨਣ ਰਾਣੀ ਜਿੰਦਾ ਦੀ ਕਹਾਣੀ !

Leave a Comment


Notice: ob_end_clean(): Failed to delete buffer. No buffer to delete in /home/desi22/desistatus/view.php on line 331
0