ਜਿਹੜੇ ਕਦੇ ਪਾਣੀ ਸੀ ਪਾਉਂਦੇ #ਇਸ਼ਕ ਦੇ ਬੂਟੇ ਨੂੰ
ਉਹਨਾਂ ਹੁਣ ਆਪਣੇ ਹੱਥਾਂ ਚ ਆਰੀਆਂ ਰੱਖੀਆਂ ਨੇ,
ਸਾਰਾ ਪੁਰਾਣਾ ਸਾਮਾਨ ਅੱਜ ਉਹ ਵੇਚਣ ਨੇ ਚੱਲੇ,
ਸਭ ਤੋਂ ਅੱਗੇ ਉਨਾਂ ਸਾਡੀਆਂ #ਯਾਰੀਆਂ ਰੱਖੀਆਂ ਨੇ...

ਅਜੀਬ ਰੋਗ ਦਾ ਸ਼ਿਕਾਰ ਹੋ ਚੱਲੀ ਇਹ ਬੇਨਾਮ ਜ਼ਿੰਦਗੀ,
ਰਾਤ ਨੂੰ ਉੱਠ ਉੱਠ ਮੈਂ ਕੱਲਿਆ ਬਾਤਾਂ ਪਾਉਂਦਾ ਰਹਿੰਦਾ ਹਾਂ,
ਪਤਾ ਹੈ ਉਸਨੇ ਮੁੜ ਵਾਪਸ ਕਦੇ ਨੀ ਆਉਣਾ ਜ਼ਿੰਦਗੀ ਚ,
ਫਿਰ ਵੀ ਰੋਜ ਉਸਨੂੰ ਅਵਾਜ਼ਾਂ ਮਾਰ ਬੁਲਾਉਂਦਾ ਰਹਿੰਦਾ ਹਾਂ,
ਠੋਕਰ ਮਾਰ ਸਾਡੀ ਜ਼ਿੰਦਗੀ ਨੂੰ ਸਭ ਕੁਝ ਖਿਲਾਰ ਗਈ ਓ,
ਟੁੱਟੇ ਦਿਲ ਦੇ ਟੁਕੜੇ ਇਕੱਠੇ ਕਰ ਜੋੜ ਲਾਉਂਦਾ ਰਹਿੰਦਾ ਹਾਂ :(

ਨਾ ਮੁੱਕੀ ਉਹਨਾਂ ਦੇ ਦਿਲ ਚੋ ਨਫ਼ਰਤ ਸਾਡੇ ਲਈ,
ਸਾਡੀ ਜ਼ਿੰਦਗੀ ਤੋਂ ਮੌਤ ਤੱਕ ਦੀ ਵਾਟ ਮੁੱਕ ਚੱਲੀ,
ਜਿਉਂਦਿਆਂ ਕੀ ਦੇਖਣਾ ਸੀ ਸਾਨੂੰ ਮਰੇ ਤੋ ਨਾ ਆਏ,
ਸੀਵਿਆਂ ਬਲਦੀ ਮੇਰੀ ਚਿਤਾ ਦੀ ਲਾਟ ਮੁੱਕ ਚੱਲੀ,
ਅਸੀ ਜੱਗ ਤੇ ਇਕੱਲੇ ਜੀ ਕੇ ਵੀ ਕੀ ਕਰਦੇ ਯਾਰੋ,
ਜਦੋ ਸੱਜ਼ਣਾਂ ਦੀ ਜ਼ਿੰਦਗੀ 'ਚ ਸਾਡੀ ਘਾਟ ਮੁੱਕ ਚੱਲੀ :(

ਇੱਕ ਅਰਸਾ ਤਾਪ ਵਿਛੋੜੇ ਦਾ ਹੰਢਾਉਣਾਂ ਜਰੂਰ ਏ,
ਰੁੱਸੇ ਹੋਏ ਸੱਜਣਾਂ ਨੂੰ ਇੱਕ ਵਾਰ ਮਨਾਉਣਾਂ ਜਰੂਰ ਏ,
ਹੋਰ ਕੁਝ ਪੱਲੇ ਰਹੇ ਨਾ ਰਹੇ ਅਪਣੇ ਯਾਰ ਤੋ ਬਿਨਾਂ,
ਇੱਕ ਵਾਰ ਵਿੱਛੜੇ ਸੱਜਣਾਂ ਨੂੰ ਮੈਂ ਪਾਉਣਾਂ ਜਰੂਰ ਏ,
ਦੂਰ ਰਹਿ ਕੇ ਤਰਸੇ ਹਾਂ ਉਸ ਤੋਂ ਜਿਸ ਪਿਆਰ ਲਈ,
ਉਹ ਪਿਆਰ ਉਹਦੇ ਦਿਲ 'ਚ ਜਗਾਉਣਾ ਜਰੂਰ ਏ,
ਕਿੰਨੀ ਨਫ਼ਰਤ ਕੀਤੀ ਉਨਾਂ ਸਾਨੂੰ ਅਸੀਂ ਦੇਖ ਲਈ,
ਸਾਨੂੰ ਪਿਆਰ ਕਿੰਨਾਂ ਉਸ ਨਾਲ ਦਿਖਾਉਣਾ ਜਰੂਰ ਏ,
ਇੱਕ ਰੀਝ “ਧਰਮ“ ਦੇ ਦਿਲ ਚ ਜੋ ਚਿਰਾਂ ਤੋ ਬਾਕੀ,
ਇੱਕ ਵਾਰ ਗਲ ਲਾ ਕੇ  ਯਾਰ ਨੂੰ ਰਵਾਉਣਾ ਜਰੂਰ ਏ.. :(

ਯਾਰ ਦੀ ਜੋ ਪਿੱਠ ਤੱਕੇ ਉਹ ਯਾਰ ਨਹੀਂਓ ਚੰਗਾ,
ਮੋਕੇ ਤੇ ਜੋ ਨਾਂ ਚੱਲੇ ਉਹ ਹਥਿਆਰ ਨਹੀਂਓ ਚੰਗਾ,
ਨਾ ਕਦੇ ਰਿਹਾ ਕਿਸੇ ਕੋਲ ਜੋ ਨਾ ਹੀ ਕਦੇ ਰਹਿਣਾ,
ਪੈਸੇ, ਸਰੀਰ ਦਾ ਕੀਤਾ ਕਦੇ ਹੰਕਾਰ ਨਹੀਂਓ ਚੰਗਾ,
ਆਸ਼ਿਕ ਉਹ ਜੋ ਯਾਰੀ ਲਾ ਕੇ ਫਿਰ ਤੋੜ ਨਿਭਾਵੇ,
ਯਾਰੀ ਦੀ ਕਦਰ ਨਾ ਕਰੇ ਦਿਲਦਾਰ ਨਹੀਂਓ ਚੰਗਾ,
ਮਾੜੇ ਬੁਰੇ ਕੰਮ ਤੋ ਹਮੇਸ਼ਾ ਪਾਸਾ ਵੱਟ ਲੰਘ ਜਾਈਏ,
ਮਾਪਿਆਂ ਦੀ ਇੱਜ਼ਤ ਘਟਾਵੇ ਕੰਮਕਾਰ ਨਹੀਂਓ ਚੰਗਾ,
ਪਿਆਰ ਉਹ ਜੋ ਯਾਰੋ ਰੂਹਾਂ ਅੰਦਰ ਘਰ ਕਰ ਜਾਵੇ,
ਪਿਆਰ 'ਚ ਜ਼ਿਸਮਾਂ ਦਾ ਕਦੇ ਵਪਾਰ ਨਹੀਂਓ ਚੰਗਾ...