ਸੁਰਮਾ ਅੱਖ ਚਮਕਾਉਂਦਾ ਏ
ਤਾਈਓਂ ਹਰ ਕੋਈ ਪਾਉਂਦਾ ਏ
ਤਾਈ ਬਿਮਾਰ ਪੈ ਹੈ ਜਾਂਦੀ
ਜਦ ਕੋਈ ਪ੍ਰੋਉਣਾ ਆਉਂਦਾ ਏ

ਪਾਕਿਸਤਾਨ ਅੜੀਆਂ ਹੈ ਕਰਦਾ
ਪਰ ਹਿੰਦੋਸਤਾਨ ਸਮਝੋਂਦਾ ਏ
ਨਿੱਕਾ ਕਾਕਾ ਹੈ ਖੁਸ਼ਦਿਲ ਮੇਰਾ
ਵੱਡਾ ਬਹੁਤ ਸਤਾਉਂਦਾ ਏ

ਚਰੀ ਕਰੜੀ ਨਾ ਟੋਕਾ ਕੁਤਰੇ
ਬਾਪੂ ਰੇਤੀ ਰੋਜ ਹੀ ਲਾਉਂਦਾ ਏ
ਦੁਨੀਆ ਸਟੇਸ਼ਨ ਇਕ ਬਰਾਬਰ
ਕੋਈ ਜਾਂਦਾ ਤੇ ਕੋਈ ਆਉਂਦਾ ਏ

ਸਾਰਾ ਪਿੰਡ ਹੀ ਵੇਖਣ ਆਇਆ
ਬਾਜ਼ੀਗਰ ਬਾਜ਼ੀ ਪਾਂਉਂਦਾ ਏ
ਸਾਹਿਤ ਚ ਕਈਆਂ ਪਰਚਮ ਗੱਡੇ
ਨਾ ਪਾਤਰ ਦਾ ਅੱਗੇ ਆਉਂਦਾ ਏ

ਦਿਲ ਦਾ ਦੁਖੜਾ ਲਿਖਿਆ ਜਾਵੇ
ਜਦ ਦਰਦੀ ਕਲਮ ਉਠਾਉਂਦਾ ਏ

ਮਿਹਨਤ ਦੀ ਰੁੱਤ ਕਦੇ ਖਤਮ ਨਾ ਹੁੰਦੀ
ਲੱਤਾਂ ਖਿੱਚਣ ਵਾਲਿਆਂ ਦੀ ਗਿਣਤੀ ਨਾ ਹੁੰਦੀ
ਸੜ ਜਾਂਦੇ ਜੇ ਆਹ ਰੁੱਖਾਂ ਦੀ ਛਾਂ ਨਾ ਹੁੰਦੀ
ਨਵ ਮੁੱਕ ਜਾਂਦਾ ਹੁਣ ਤਕ ਕਦੋਂ ਦਾ
ਜੇ ਨਾਲ ਮਾਂ ਦੀ ਦੁਆ ਨਾ ਹੁੰਦੀ

ਗੈਰਾਂ ਵਿੱਚ ਆਪਣੇ ਦੇਖੇ
ਤੇ ਆਪਣਿਆਂ ਵਿੱਚ ਗੈਰ...
ਚੱਲ ਜਿਹੜਾ ਜੋ ਕਰ ਗਿਆ,
ਰੱਬ ਕਰੇ ਸਭਨਾਂ ਦੀ ਖੈਰ  🙏

ਪਹਿਲਾਂ ਪੰਜ ਭਰਾ ਸੀ ਸਾਂਝੇ ਚੁੱਲ੍ਹੇ
ਅੱਜ ਦੋ ਵੀ ਅੱਡ ਕਰ ਬਹਿੰਦੇ,
ਓਥੇ ਸਾਰਾ ਪੰਜਾਬ ਕਿਵੇਂ ਇਕੱਠਾ ਹੋਵੇ
ਜਿੱਥੇ ਘਰ ਦੇ ਇਕੱਠੇ ਨਾ ਰਹਿੰਦੇ,...

ਕਿਸੇ ਮੁਲਕ ਨੂੰ ਬਰਬਾਦ ਕਰਨਾ ਹੋਵੇ,
ਤਾਂ ਲੋਕਾਂ ਨੂੰ ਧਰਮ ਦੇ ਨਾਮ ਤੇ ਲੜਾ ਦਿਓ,
ਮੁਲਕ ਆਪਣੇ ਆਪ ਬਰਬਾਦ ਹੋ ਜਾਵੇਗਾ
~Leo Tolstoy