ਸਿੱਖ ਲੈ ਬੰਦਿਆ ਅਕਲ ਤੂੰ ਅਰਥੀ ਤੋਂ
ਦਫਨ ਹੋ ਜਾਣਾ ਤੂੰ ਜੋ ਉੱਗਿਆ ਧਰਤੀ ਤੋਂ
ਪੁੱਛੀ ਹਸਪਤਾਲਾਂ ਚ ਜਾ ਕੇ ਬੀਮਾਰ ਨੇ ਭਰਤੀ ਜੋ
ਕਿਉਂ ਦੁੱਖ ਦੇਖ ਕੇ ਮਾੜਾ ਜਿਹਾ ਸਾਡੇ ਹੰਝੂ ਜਾਂਦੇ ਚੋ
ਬੀਕਾਨੇਰ ਨੂੰ ਜਾਂਦੇ ਜਿਹੜੇ ਨਾਮ ਜਪਣ ਜਪਾਂਉਦੇੇ ਉਹ
ਕਿੰਨੇ ਦੁੱਖਾਂ ਨਾਲ ਜੂਝਣ ਲੋਕੀਂ ਕਦੇ ਪੁੱਛ ਕੋਲ ਖਲੋਅ
ਡਰਦੇ ਕੰਬਦੇ ਫਿਰਨ ਦੇਖ ਕੇ ਕਰਨ ਨਾ ਉੱਠ ਅਰਦਾਸ
ਫਿਕਰ ਕਰਦੇ ਵਾਹਲਾ ਲੋਕੀਂ ਨਿਕਲ ਨਾ ਜਾਣ ਸਵਾਸ
ਬਾਣੀ ਪੜਦੇ ਉਲਾਂਭੇ ਵੀ ਦਿੰਦੇ ਆਉਂਦਾ ਨਾ ਧਰਵਾਸ
ਉਹ ਬੇਪਰਵਾਹ ਰਹਿ ਬੰਦਿਆਂ ਕਲਗੀਧਰ ਏ ਨਾਲ..

ਜਿਹਡ਼ਾ ਸਾਹ ਵੀ ਆਉਂਦਾ ਜਾਂਦਾ ਉਸ ਮਾਲਿਕ ਦੇ ਕਰ ਕੇ
ਜਿਉਣਾ ਪੈਂਦਾ ਇਸ ਦੁਨੀਆਂ ਤੇ ਉਸ ਮਾਲਿਕ ਤੋਂ ਡਰ ਕੇ
ਗੁਰਦੁਆਰਾ ਮਸੀਤਿ ਤੇ ਦਰ ਲੱਭਣਾ ਪੈਂਦਾ ਮੰਦਿਰ ਦਾ
ਝੂਠ ਹੱਡਾਂ ਨੂੰ ਖਾ ਜਾਂਦਾ ਜੇ ਸੱਚ ਨਾ ਦੱਸੀਏ ਅੰਦਰ ਦਾ...

ਪਿਆਰ ਕਰਦਾ ਕਿਸੇ ਨੂੰ ਕਿਉਂ ਸੋਚੇ ਉਹ ਮਰ ਜਾਵੇ
ਇੱਕ ਖਿਆਲ ਹੀ ਆਵੇ ਧੁਰ ਅੰਦਰ ਤੱਕ ਡਰ ਜਾਵੇ
ਸੋਚ ਵਿਚਾਰਾਂ ਵਿੱਚ ਬੈਠਾ ਬੰਦਿਆਂ ਤੂੰ ਖੁਰ ਜਾਵੇ
ਮਰਨਾ ਜਿਉਣਾ ਉਸਦੇ ਹੱਥ ਤੂੰ ਕਾਹਨੂੰ ਘਬਰਾਂਂਵੇ
ਭੁੱਲ ਜਾਵੇ ਅੌਕਾਤ ਜੇ ਆਪਣੀ ਡਰ ਨਾਲ ਨਾਮ ਜਪਾਵੇ
ਅੱਠ ਪਹਿਰ ਉਹਨੂੰ ਚੇਤੇ ਰੱਖ ਲਈ ਕਾਲ ਨਿਕਟ ਨਾ ਆਵੇ...

ਪੰਜਾਬ ਤਰੱਕੀ ਕਰ ਰਿਹਾ ਦੇਖਿਆ ਖਬਰਾਂ ਤੇ
ਮੀਂਹ ਕਰਕੇ ਛੱਤਾਂ ਡਿਗੀਆਂ ਘਰ ਬਣਿਉ ਕਬਰਾਂ ਨੇ
ਰੱਬ ਅੱਗੇ ਗਰੀਬ ਦੀਆਂ ਅਰਜ਼ਾਂ ਬੈਠਾ ਸਬਰਾਂ ਤੇ
ਸਰਕਾਰ ਕਹਿੰਦੀ ਪੈਸਾ ਖਰਚਿਿਆ ਪਿੰਡਾਂ ਨਗਰਾਂ ਤੇ
ਸੱਚ ਦੇ ਵਾਰੀ ਮੰਨਦੇ ਨਹੀਂ ਸੁੱਟਣ ਮਾਇਆ ਡਾਂਸਰਾ ਤੇ
ਪੈਸਾ ਬੈਂਕਾਂ ਵਾਲੇ ਲੈ ਗਏ ਹੱਡ ਨਿਕਲ ਗਏ ਡੰਗਰਾਂ ਦੇ
ਕੁੱਝ ਕੁ ਸਰਕਾਰਾਂ ਖਾ ਗਈਆਂ ਟੱਲ ਖੜਕਦੇ ਮੰਦਰਾਂ ਦੇੇ
ਕਿਉਂ ਕਰਦੇ ਸੁਸਾਇਡ ਵਾਨੀ ਹੋ ਨਾਨਕ ਦੇ ਲੰਗਰਾਂ ਦੇ

ਕਿਸੇ ਨੂੰ ਰੱਜ ਕੇ ਦੀਦਾਰ ਹੁੰਦਾ ਏ,,
ਕਿਸੇ ਨੂੰ ਸਾਫ ਹੀ ਇੰਨਕਾਰ ਹੁੰਦਾ ਏ,,
ਪਤਾ ਨੀ ਕਿਉਂ...
ਕਈ ਵਾਰ ਤਾਂ ਮਲਾਹ ਜ਼ੋਰ ਲਾ ਲਾ ਕੇ ਹਾਰ ਜਾਂਦੇ ਨੇ..
ਤੇ ਕਦੀ ਪਲਾਂ 'ਚ' ਬੇੜਾ ਪਾਰ ਹੁੰਦਾ ਏ,,
ਪਤਾ ਨੀ ਕਿਉਂ...
ਜਿਹੜੇ ਸੌ ਸੌ ਵਾਦਿਆਂ ਨੂੰ ਕਰ ਕੇ ਮੁੱਕਰ ਜਾਂਦੇ ਨੇ,
ਉਹਨਾਂ ਦਾ ਫੇਰ ਵੀ ਇਤਬਾਰ ਹੁੰਦਾ ਏ,,
ਪਤਾ ਨੀ ਕਿਉਂ...